اتوار, فروری 9, 2025
اشتہار

ڈاکٹر عاصم پر آئندہ سماعت میں فرد جرم عائد کرنےکاامکان

اشتہار

حیرت انگیز

کراچی: ڈاکٹر عاصم کیخلاف کرپشن کیس میں آئند سماعت پر فرد جرم عائد کیے جانے کا امکان ہے، عدالت نے وکلاء کو ریفرنس کی نقول فراہم کردیں، ڈاکٹر عاصم نے ضمانت کیلئے سندھ ہائی کورٹ سے رجوع کرلیا۔

ڈاکٹر عاصم کو سخت سیکیورٹی میں عدالت لایا گیا،انھوں نے بکتر بند گاڑی سے اترتے ہوئے قانون کے محافظ کا سہارالیا۔ احتساب عدالت نے ڈاکٹر عاصم کے وکلا کو ریفرنسز کی نقول فراہم کیں، ڈاکٹر عاصم کے خلاف نیب کے دو ریفرنس دائر ہیں۔ ایک ریفرنس میں تیرہ ارب روپے جبکہ دوسرے میں چار سو باسٹھ ارب روپے کی کرپشن کا الزام ہے۔

احتساب عدالت نے ڈاکٹر عاصم کیس کی سماعت سات اپریل تک ملتوی کردی، آئندہ سماعت پر ملزمان پر فرد جرم عائد کئے جانے کاامکان ہے۔ ڈاکٹر عاصم کا چشمہ عدالت سے واپسی پر بھی ماتھے پرتھامگرچہرے پر پھیکی مسکان تھی۔

ادھرڈاکٹر عاصم کے وکلا نے سندھ ہائیکورٹ میں درخواست دائرکی ہے جس میں ڈاکٹر عاصم کی ضمانت کیلئے استدعا کی گئی ہے، عدالت نے نیب حکام کو پانچ اپریل کانوٹس جا ری کردیا ہے۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں