کراچی کی ترقی کیلئے بلدیاتی نمائندوں سے تعاون کریں گے، ڈاکٹرعشرت العباد -
The news is by your side.

Advertisement

کراچی کی ترقی کیلئے بلدیاتی نمائندوں سے تعاون کریں گے، ڈاکٹرعشرت العباد

کراچی : گورنر سندھ ڈاکٹر عشرت العباد خان نے کہا ہے کہ کراچی کی ترقی و استحکام کا دارو مدار پائیدار امن میں ہے۔ شہر کے مسائل کے حل اور امن کے لیے بلدیاتی نمائندوں کے ساتھ ہر ممکن تعاون کریں گے۔

ان خیالات کا اظہار انہوں نے گورنر ہاؤس میں شہر قائد میں صاف پانی کی فراہمی، صفائی ستھرائی سمیت دیگر مسائل اور ان کے حل کے حوالے سے کانفرنس سے خطاب کرتے ہوئے کیا۔


Governor urges unity to resolve issues facing… by arynews

کانفرنس میں ڈپٹی مئیر کراچی ارشد وہرہ مختلف جامعات کے وائس چانسلرز ، سیاسی و سماجی شخصیات سمیت غیر ملکی مندوبین نے بھی شرکت کی۔

کانفرنس میں کراچی کے مسائل پر جامع دستاویزی فلم بھی دکھائی گئی۔ میڈیا سے گفتگو کرتے ہوئے گورنرسندھ نے واضح کر دیا کہ کراچی کی روشنیوں کا استحکام صرف پائیدار امن میں ہی ممکن ہے۔ کراچی کے مسائل حل کرنے کیلئے مل کر کام کرنا ہوگا۔

ڈاکٹر عشرت العباد خان کا کہنا تھا کہ پبلک پرائیوٹ پارٹنر شپ کے ذریعے مسائل کو حل کیا جا سکتا ہے، انہوں نے کہا کہ مئیر کراچی وسیم اختر حراست میں ہیں لیکن ان کا بھرپور تعاون بلدیاتی نمائندوں کے ساتھ ہے۔

کانفرنس کے اختتام پر گورنر سندھ اور ڈپٹی مئیر کی ملاقات بھی ہوئی جس میں بلدیاتی مسائل سمیت دیگر اہم امور پر تبادلہ خیال بھی کیا گیا۔

 

Comments

comments

یہ بھی پڑھیں