کراچی کے علاقے ڈرگ روڈ کینٹ بازار پر شہری کے قتل کی سی سی ٹی وی فوٹیج سامنے آگئی۔
کراچی کے علاقے ڈرگ روڈ پر کینٹ بازار پر جاں بحق ہونے والے شخص کی شناخت عبدالولی کے نام سے ہوئی جس کا تعلق صوابی سے ہے۔
پولیس کا کہنا ہے کہ مقتول کو ذاتی دشمنی پر 6 گولیاں مار کر قتل کیا گیا ہے، بھائی کا بیان لیا جارہا ہے۔
تفتیشی حکام کا کہنا ہے کہ ابتدائی اطلاعات کے مطابق دونوں بھائی صوابی میں قتل کرنے کے بعد کراچی آگئے تھے۔
پولیس کے مطابق موٹر سائیکل سوار دو حملہ آور ہوٹل پر بیٹھے انتظار کرتے رہے، مقتول کا موبائل فون اور نقدی موجود ہے۔
واقعے کی سی سی ٹی وی فوٹیج بھی منظر عام پر آئی ہے جس میں مقتول کو پیدل جاتے ہوئے دیکھا جاسکتا ہے جبکہ موٹر سائیکل پر سوار دو ملزمان نے انتہائی قریب جاکر گولیاں ماریں جس کے نتیجے میں وہ موقع پر ہی دم توڑ گیا۔
صحافی و بلاگر، 10 سال سے اے آر وائی نیوز سے وابستہ ہیں