کراچی کے علاقے گلشن اقبال میں سڑک کھود کر بجلی کی تار چوری کرنے کی ویڈیو وائرل ہوگئی۔
اے آر وائی نیوز کے مطابق کراچی کے علاقے گلشن اقبال میں دو نامعلوم افراد کی جانب سے سڑک کھود کر انڈر گراؤنڈ بچھائی گئی تار چوری کرنے کی ویڈیو سوشل میڈیا پر وائرل ہوگئی۔
وائرل ویڈیو میں دیکھا جاسکتا ہے کہ سڑک پر گاڑیوں کی آمدورفت جاری ہے لیکن یہ دو افراد ہرطرف سے بے پرواہ ہوکر تار چوری کرنے میں مصروف ہیں۔
ویڈیو بنانے والا شخص ایک آدمی کو روکتا ہے تو وہ تار اٹھاتا ہے اور چلتا بنتا ہے جبکہ دوسرے شخص کے کان پر جوں تک نہیں رینگی اور وہ کھدائی میں مصروف رہا۔
چوری کی یہ انوکھی واردات کافی دیر تک جاری رہی لیکن پولیس یا انتظامیہ کا کوئی فرد روکنے نہیں آیا اور نہ ہی اس پر کوئی ایکشن لیا گیا ہے۔
Comments
- Advertisement -
