کراچی: محکمہ موسمیات نے پیش گوئی کی ہے کہ بارش برسانے والا ایک اور مضبوط سسٹم کراچی کی جانب تیزی سے بڑھ رہا ہے.
اے آر وائی نیوز کے مطابق محکمہ موسمیات کے چیف میٹرولوجسٹ سردار سرفراز کا کہنا ہے کہ نیا سسٹم 18 ، 19 جولائی تک کراچی میں بارشیں برسائےگا جبکہ کراچی میں موجودہ بارشوں سے زیادہ بارش ہوگی.
انہوںنے بتایا کہ کراچی میں 60 سے 80 ملی میٹر تک بارش ہوسکتی ہے تیزبارش والا سسٹم اس وقت مشرقی بھارت میں موجود ہے.
سردار سرفراز کا کہنا ہے کہ نیا سسٹم راجستھان سے آگے پاکستان میں داخل ہو گا کراچی میں موجودہ بارش کا سلسلہ اس سسٹم کے تحت ہے.
چیف میٹرولوجسٹ کے مطابق نئے مضبوط سسٹم کا کچھ حصہ بحیرہ عرب پر اب بھی موجود ہے اور موجودہ بارشوں کا سلسلہ 2، 3 دن مزید چلے گا.
واضح رہے کہ کراچی کے مختلف علاقوں میں اج بھی تیز بارش ہوئی جس کے باعث صدر، کینٹ اسٹیشن، شاہراہ فیصل و اطراف میں پانی جمع ہوگیا جس کی نکاسی آخری اطلاعات آنے تک نہیں ہوسکی تھی.
