The news is by your side.

Advertisement

کراچی: شیرشاہ کے قریب نالے میں گیس بھرنے سے دھماکا ‏

کراچی کے علاقے شیرشاہ پراچہ چوک کے قریب نالے میں گیس بھر جانے سے دھماکے کا ایک اور واقعہ پیش ‏آگیا۔

نمائندہ اے آر وائی نیوز کے مطابق علاقے میں تجازوار کے خلاف جاری آپریشن کے دوران بلال ہوٹل کے قریب ‏نالے میں گیس بھر جانے سے زوردار دھماکا ہوا۔

دھماکے میں ایک گھر کی دیوار گر گئی اور کچھ گھروں کی دیواروں پر دراڑیں پڑ گئیں۔ دھماکانالے پر قائم ‏رہائشی علاقےمیں ہوا جہاں ہوٹل اورگھر تعمیر تھے۔

پولیس کا کہنا ہے کہ دھماکے کےنتیجے میں کسی جانی نقصان کی اطلاع نہیں، نالے سے تجاوزات ختم کرنے کے ‏احکامات دئیے گئے تھے۔

اطلاع ملنے پر ریسکیو ٹیموں کو طلب کر لیا گیا اور دیگر محکموں کو بھی صورتحال سے آگاہ کیا گیا ہے۔ متاثرہ ‏مقام سے لوگوں کو پیچھے ہٹا کر پولیس نفری تعینات کر دی گئی ہے۔

واضح رہے کہ 19 دسمبر 2021 کو شیرشاہ پراچہ چوک پر نالے میں گیس بھرنے سے خوفناک دھماکا ہوا تھا جس ‏کے نتیجے میں 17 افراد جاں بحق ہوئے تھے۔

Comments

یہ بھی پڑھیں