The news is by your side.

کراچی: فیکٹری میں 4 افراد کی ہلاکت واقعہ

سیکیورٹی اسٹاف نے اے آر وائی نیوز ٹیم کو کوریج سے روک دیا

شاہ لطیف کالونی میں اے آر وائی ٹیم چار افراد کی ہلاکت کے واقعے کے بعد کوریج لیے فیکٹری گئی تھی، سیکیورٹی اسٹآف نے دروازے بند کردیے.

فیکٹری کے سیکیورٹی اسٹاف نے فیکٹری کے دروازے بند کرکے ملازمین کو نیوز ٹیم سے بات کرنے سے روک دیا۔اے آر وائی نیوز کے سوال پر

سیکیورٹی پر تعینات شخص نے گول مول جواب دیا اور کہا کہ فیکٹری میں کسی غیر متعلقہ شخص کو داخلے کی اجازت نہیں دی، سیکیورٹی گارڈ کا کہنا تھا کہ واقعے کے بارے میں کچھ نہیں بتا سکتا، صبح آنا۔

ذرائع کا کہنا ہے کہ واقعے کے بعد بھی فیکٹری انتظامیہ معاملے کو چھپاتی رہی، ابتدا میں انتظامیہ نے ریسکیو کو آگاہ کیا کہ مزدور ٹینک میں گر گئے ہیں جبکہ پولیس کو فیکٹری انتظامیہ نے بیان دیا کہ زہریلی گیس کا اخراج ہوا ہے۔

متوفیان کے ورثا نے الزام عائد کیا ہے کہ ملازمین کو تیزاب کا ٹینک صاف کرنے کے لیے اتارا گیا، ماضی میں بھی اس طرح کے واقعات ہوچکے ہیں۔

پولیس کا کہنا ہے کہ تفتیش جاری ہے، واقعاتی شواہد کی روشنی میں ذمے داروں کے خلاف مقدمہ درج کرکے کارروائی کریں گے۔

Comments

یہ بھی پڑھیں