کراچی : ٹائر فیکٹری کے گودام میں لگنے والی آگ پر قابو پالیا گیا -
The news is by your side.

Advertisement

کراچی : ٹائر فیکٹری کے گودام میں لگنے والی آگ پر قابو پالیا گیا

کراچی : کورنگی انڈسٹریل ایریا میں ٹائر فیکٹری کے گودام میں لگنے والی آگ پر کئی گھنٹوں کی جدوجہد کے بعد قابو پالیا گیا، آتشزدگی کے باعث لاکھوں روپے مالیت کا نقصان ہوا.

پولیس اور فائر بریگیڈ حکام کا کہنا ہے کہ کورنگی صنعتی ایریامیں واقع ٹائر فیکٹری کے گودام میں ہفتہ کی صبح اچانک آگ بھڑک اٹھی، اطلاع ملتے ہی فوری طور پر فائر بریگیڈ کی دو گاڑیاں آگ بجھانے کیلئے پہنچی تاحال آگ کی شدت نے دیکھتے ہی دیکھتے گودام میں لگنے والی آگ نے فیکٹری کے دیگر حصوں کو بھی اپنی لپیٹ میں لینا شروع کردیا.

جس کے پیشِ نظر فائر بریگیڈ کی مزید پانچ گاڑیاں جائے وقوعہ پر بھیجی گئی اور اس طرح فائر بریگیڈ کی سات گاڑیوں نے دو گھنٹے کی جدوجہد کے بعد آگ پر قابو پالیا.

عینی شائدین کا کہنا ہے کہ آتشزدگی کا واقعہ بجلی کے شارٹ سرکٹ کے باعث پیش آیا، فیکٹری میں کام کرنے والے تمام ملازمین کو فوراً نکال لیا گیا تھا جس کی وجہ سے کسی جانی نقصان کی اطلاع نہیں ملی تاہم آتشزدگی کے باعث لاکھوں روپے مالیت کے ٹائر اور دیگر سامان جل کر خاکستر ہوگیا۔

Comments

comments

یہ بھی پڑھیں