کراچی: باپ نے اپنے 2 بچوں کو سمندر میں پھینک دیا، گرفتار والد نے بتایا کہ بچے ڈوب نہیں رہے تھے تو ان کو زبردستی ڈبویا۔
تفصیلات کے مطابق کراچی میں منوڑہ کے قریب باپ نے اپنے دو بچوں کو سمندر میں پھینک دیا۔
پولیس نے موقع سے سفاک باپ کو گرفتار کرلیا، گرفتار شخص نے بتایا کہ گھریلو جھگڑے سے تنگ آکر اقدام اٹھایا ،بچے ڈوب نہیں رہے تھے تو ان کو زبردستی ڈبویا۔
بچوں کی تلاش کے لئے رات بھر سے آپریشن جاری ہے،والد آغا خان اسپتال میں بطور نرس کام کرتا ہے۔
گرفتار شخص کا کہنا ہے کہ وہ عیسی نگری کا رہائشی ہے، پولیس حکام نے بتایا کہ بڑے بچے کا نام کیڈرک چھوٹے کا کینرک ہے۔
ملزم نے ویڈیو بیان میں موقف دیا کہ میں نے خود بھی کوشش کی مگر ڈوب نہ سکا، جس پرجھگڑا رہتا تھا۔ میری بیوی اور سسرال والے میرے ساتھ غلط کر رہے تھے۔
Comments
- Advertisement -
