The news is by your side.

Advertisement

کراچی، سوشل میڈیا پر نوجوان کو بلیک میل کرنے والے 2 طالب علم گرفتار

خاتون کو جنسی ہراساں اور الیکٹرک شاک دینے والا ملزم دھر لیا گیا

کراچی: سوشل میڈیا پر نوجوان کو لڑکی بن کر بلیک میل کرنے والے 2 طالب علموں کو گرفتار کر لیا گیا، ملزمان نے انسٹا گرام پر لڑکی کی جعلی آئی ڈی بنا کر دوستی کی تھی۔

تفصیلات کے مطابق کراچی میں سوشل میڈیا پر نوجوان کو بلیک میل کرنے والے 2 طالب علموں کو گرفتار کرلیا گیا، ایف آئی اے نے نوجوان کی شکایت پر انٹر کے طالب علموں کو حراست میں لیا۔

ایف آئی اے حکام کا کہنا ہے کہ ملزمان نے ویڈیو کال ریکارڈ کرکے بلیک میلنگ شروع کی تھی۔

خاتون کو جنسی ہراساں اور الیکٹرک شاک دینے والا ملزم دھر لیا گیا

دوسری جانب اے آر وائی نیوز کے پروگرام ’ذمہ دار کون‘ کی ٹیم کی نشاندہی پر ایف آئی اے سائبر کرائم سیل نے کارروائی کی، خاتون کو جنسی ہراساں، الیکٹرک شاک دینے والے ملزم کو گرفتار کرلیا گیا۔

مزید پڑھیں: کراچی، ایف آئی اے سائبر کرائم سیل کی کارروائی، جعلی پیر گرفتار، مقدمہ درج

ڈپٹی ڈائریکٹر سائبر کرائم سیل کے مطابق گرفتار ملزم علی کا تعلق بااثر گھرانے سے ہے، ملزم خود کو حساس ادارے کا اہلکار ظاہر کرتا تھا۔

ایف آئی اے حکام کے مطابق ملزم علی نے مظلوم خاتون کو 6 سال سے زیادتی کا نشانہ بنایا، ملزم لڑکی کو نہ ملنے پر باپ کے قتل کی دھمکیاں دیتا تھا۔

گرفتار ملزم سے دو موبائل فون، میموری کارڈ بھی ملا ہے، ملزم علی شادی شدہ اور 2 بچوں کا باپ ہے، ملزم لڑکی کی جعلی آئی ڈی بنا کر غیراخلاقی تصاویر شیئر کرتا تھا۔

ڈپٹی ڈائریکٹر ایف آئی اے کے مطابق متاثرہ خاتون کے رابطے پر ملزم کی گرفتاری عمل میں آئی ہے۔

Comments

comments

یہ بھی پڑھیں