کراچی(11 جنوری 2026): ایف آئی اے کمرشل بینکنگ سرکل کراچی نے غیر قانونی کرنسی ایکسچینج میں ملوث ملزم کو گرفتار کرلیا۔
تفصیلات کے مطابق ایف آئی اے کمرشل بینکنگ سرکل کراچی نے کارروائی کرتے ہوئے غیر قانونی کرنسی ایکسچینج میں ملوث ملزم کو گرفتار کرلیا، ملزم محمد کونین کو پی ای سی ایچ ایس کراچی سے گرفتار کیا گیا۔
ایف آئی اے کے مطابق گرفتار ملزم غیر قانونی کرنسی ایکسچینج میں ملوث ہے گرفتار ملزم کے قبضے سے 16000 امریکی ڈالر موبائل فون اور غیر قانونی کرنسی ایکس سے متعلق شواہد بھی برآمد ہوا۔
حکام کا کہنا ہے کہ ملزم بغیر لائسنس کرنسی ایکسچینج کا کاروبار کر رہا تھا، ملزم برآمد ہونے والی کرنسی کے حوالے سے حکام کو مطمئن نہ کر سکے۔
ایف آئی اے کا کہنا ہے کہ ملزم کو گرفتار کر کے تفتیش شروع کر دی گئی ملزم کے دیگر ساتھیوں کی گرفتاری کے لئے چھاپے مارے جا رہے ہیں۔
عمرہ کی آڑ میں بذریعہ سعودیہ اٹلی جانے کی کوشش کرنیوالے 5 مسافر آف لوڈ
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں