کراچی (19 فروری 2026): ایف آئی اے اینٹی کرپشن نے جعلی فیکٹری پر کامیاب چھاپہ مار کر کروڑوں کی مضر صحت دوائیں برآمد کر لیں۔
اے آر وائی نیوز کے مطابق ایف آئی اے اینٹی کرپشن سرکل نے خفیہ اطلاع پر کراچی کے علاقے احسن آباد میں کارروائی کرتے ہوئے جعلی دوائیں بنانے والی فیکٹری پر چھاپہ مارا۔
کارروائی کے دوران بھاری مقدار میں جعلی اور مضر صحت دوائیں پکڑی گئیں، جن کی مالیت 12 کروڑ روپے بتائی جاتی ہے۔
ایف آئی اے کی ٹیم نے فیکٹری منیجر کو حراست میں لے لیا جب کہ دیگر ملزمان کی تلاش شروع کر دی ہے۔
ایف آئی اے کے مطابق فیکٹری میں مضر صحت مٹیریل سے جعلی ادویات تیار کی جا رہی تھیں۔ یہ دوائیں شہر کے میڈیکل اسٹورز تک پہنچائی جاتی تھیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں