site
stats
سندھ

کراچی : ایک گھنٹے میں فائرنگ کے متعدد واقعات 2 سگے بھائی جاں بحق

کراچی: ایک گھنٹے کے دوران فائرنگ کے واقعات میں 2 سگے بھائی جاں بحق جبکہ پولیس اہلکاروں سمیت 5 افراد زخمی ہوگئے۔

تفصیلات کے مطابق فائرنگ کا ایک واقعہ کورنگی صنعتی ایریا میں ویٹا چورنگی کے قریب پیش آیا جہاں ملزمان کی جانب سے ایک گاڑی کو نشانہ بنایا گیا جس کے نتیجے میں دو سگے بھائی جاں ہوگئے، ایس پی اورنگی نے واقعے کی تصدیق کرتے ہوئے بتایا ہے کہ مسلح ملزمان مقتول کے بیٹے کو بھی اپنے ہمراہ لے گئے ہیں۔ فائرنگ کے نتیجے میں جاں بحق ہونے والے افراد کی شناخت محمد بابر اور شاہد کے نام سے کی گئی ہے۔

عینی شاہدین کے مطابق مقتول محمد بابر متحدہ قومی موومنٹ یوسی 31 کا کارکن تھا۔

فائرنگ کا دوسرا واقعہ لانڈھی 89 کے قریب پیش آیا جہاں ملسح موٹر سائیکل سوار نے نجی ٹی وی کے دو کارکنان کو نشانہ بنایا جس کے نتیجے میں حاکم خان اور یوسف خان زخمی ہوئے ، دونوں زخمیوں کو طبی امداد کے لیے جناح اسپتال منتقل کردیا گیا ہے تاہم اسپتال حکام نے حاکم خان کی گردن میں گولی لگنے کے باعث حالت تشیویشناک بتائی ہے تاہم یوسف خان کی ٹانگ پر گولی لگنے سے زخمی ہوئے ہیں۔

آئی جی سندھ اے ڈی خواجہ نے نجی ٹی وی کی گاڑی پر فائرنگ اور کارکنان کے زخمی ہونے کا نوٹس لیتے ہوئے متعلقہ ایس پی کو جائے وقوعہ پہنچنے اور ڈی آئی جی ایسٹ سے واقعے کی تفصیلی رپورٹ طلب کی ہے۔

فائرنگ کا تیسرا واقعہ شیرشاہ کاکا ہوٹل کے قریب پیش آیا، جہاں پولیس اور ڈاکو کے مابین فائرنگ کا تبادلہ ہوا جس کے نتیجے میں اے ایس آئی غلام یاسین اور پولیس کانسٹیبل بنارس زخمی ہوئے تاہم مقابلے کے نتیجے میں ایک ملزم ہلاک ہوا جبکہ دیگر 2 ملزمان کو زخمی حالت میں گرفتار کر کے مزید تفتیش کی جارہی ہے۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top