The news is by your side.

Advertisement

فائرنگ سے میں دوافراد جاں بحق، نوملزمان گرفتار، اسلحہ برآمد

کراچی : شہر قائد کے مختلف علاقوں میں فائرنگ کے واقعات میں دو افراد جاں بحق ہوگئے ، رینجرز نے مختلف علاقوں میں کارروائیوں کے بعد 9 ملزمان کو گرفتار کرکے اسلحہ برآمد کرلیا۔

پولیس کے مطابق کلفٹن نیلم کالونی میں نامعلوم افراد کی فائرنگ سے حیدر نامی شخص جاں بحق ہوگیا، پولیس کے مطابق مقتول سنار کا کام کرتا تھا۔

قیوم آباد کے علاقے میں بھی نامعلوم افراد کی فائرنگ سے ایک شخص جان کی بازی ہارگیا، مقتول کی شناخت ابراہیم کے نام سے ہوئی ہے۔ دوسری جانب رینجرز نے مختلف علاقوں میں کارروائیاں کرتے ہوئے 9 ملزمان کو گرفتا ر کرکے اسلحہ برآمدکرلیا۔

ترجمان رینجرز کے مطابق گرفتار ملزمان میں کالعدم تنظیموں کے کارندے اور عسکری گروپ کے ملزمان بھی شامل ہیں۔

رینجرز کے مطابق کارروائیاں ملیر، کورنگی، ایف سی ایریا، ریکسر لائن اور عبداللہ چورنگی کے علاقوں میں کی گئیں۔

Comments

comments

یہ بھی پڑھیں