The news is by your side.

کراچی:مختلف علاقوں میں فائرنگ اور پرتشدد واقعات میں خاتون سمیت دو افراد جاں بحق

کراچی: مختلف علاقوں میں فائرنگ اور پرتشدد واقعات میں خاتون سمیت دو افراد جاں بحق، رینجرز اور پولیس نے مختلف کارروائیوں کے بعد 11ملزمان کو گرفتار کرکے اسلحہ برآمد کرلیا۔

پولیس کے مطابق لیاقت آباد سی ون ایریا کے قریب سے ایک شخص کی لاش ملی جسے فائرنگ کرکے قتل کیا گیا، مقتول کی شناخت محمد ضمیر کے نام سے ہوئی ہے۔ گلستان جوہر مین فلیٹس سے خاتون کی تشدد زدہ لاش ملی۔

دوسری جانب رینجرز نے یوسف گوٹھ میں کارروائی کرتے ہوئے اغوا برائے تاوان میں ملوث دو ملزمان کو گرفتار کرکے اسلحہ برآمدکرلیا،مجاہد کالونی اور کھوکھرا پار کے علاقوں میں کارروائی کرتے ہوئے تین ملزمان گرفتار کرلیے ، ملزمان کا تعلق کالعدم تنظیم اور عسکری ونگ سے ہے ۔

ملزمان کے قبضے سے اسلحہ برآمد ہوا ہے ۔گڈاپ کے علاقے میں بھی ٹارگٹڈ کاررائی کرتے ہوئے ایرانی ڈیزل کی اسمگلنگ کو ناکام بنادیا، کارروائی کے دوران تین اسمگلرز کو گرفتا رکرکے ایرانی ڈیزل سے بھر اآئل ٹینکر تحویل میں لیا۔

ترجمان رینجرز کے مطابق آئل ٹینکر کے ذریعے 15 ہزار ایرانی ڈیزل اسمگل کیا جارہاتھا۔ گارڈن کے علاقے میں پولیس کارروائی کے دوران دو بھتہ خوروں کو گرفتار کرکے اسلحہ اور دستی بم برآمد کرلیا گیا۔ کورنگی میں بھی پولیس مقابلے میں ایک ڈکیت کو زخمی حالت میں گرفتار کرکے اسلحہ برآمد کرلیاگیا۔

Print Friendly, PDF & Email

Comments

comments

یہ بھی پڑھیں