کراچی : شہر قائد میں موٹر سائیکل سوار مسلح افراد نے کیش وین لوٹنے میں ناکامی پر نجی کمپنی کے ملازم کوموت کے گھاٹ اتاردیا، واردات کے بعد ملزمان باآسانی فرار ہونے میں کامیاب ہوگئے۔
تفصیلات کے مطابق راشد منہاس روڈ پر مسلح افراد نے دن دہاڑے کیش وین لوٹنے کی کوشش کی، موٹرسائیکل سوار ملزمان نے مزاحمت کرنے پر فائرنگ کرکے نجی کمپنی کے ملازم خالد کو گولی مار دی۔
جس نے موقع پر ہی دم توڑ دیا، ملزمان واردات کے بعد باآسانی فرار ہوگئے۔ پولیس نے مقدمہ درج کرکے ملزمان کی تلاش شروع کردی ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں