کراچی (3 جون 2026): شہر قائد میں بارات کے پہنچتے ہی علاقہ میدان میں جنگ میں تبدیل ہو گیا دولہا اور باراتی اسلحے سے لیس ہو کر آئے تھے۔
اے آر وائی نیوز کے مطابق کراچی کے علاقے بھینس کالونی میں آنے والی بارات میں دولہا اور باراتی اسلحے سے لیس ہو کر آئے اور بارات آتے ہی علاقہ میدان جنگ کا منظر پیش کرنے لگا اور کچھ دیر میں پورا علاقہ ہوائی فائرنگ سے گونج اٹھا۔
فائرنگ کی آواز سنتے ہی سکھن پولیس موقع پر پہنچ گئی تاہم گرفتاری سے بچنے کے لیے باراتیوں نے پولیس اہلکاروں پر تشدد کیا۔
پولیس نے مزید نفری طلب کر لی، جس نے آ کر دولہا سمیت 6 باراتیوں کو گرفتار کر کے ان کے قبضے سے دو پستول، متعدد گولیاں اور گاڑی برآمد کر لی۔
پولیس نے ملزمان کیخلاف سرکار کی مدعیت میں مقدمہ درج کر کے تفتیش شروع کر دی ہے۔
