کراچی کے مختلف علاقوں میں فائرنگ کے واقعات پیش آئے ہیں، جس میں 5 افراد کے زخمی ہونے کی اطلاعات سامنے آئی ہیں۔
ریسکیو حکام نے بتایا کہ شہر قائد کے مختلف علاقوں میں فائرنگ کے باعث کئی افراد متاثر ہوئے، مائی کولاچی روڈ کے قریب فائرنگ ہوئی جس میں ایک شخص زخمی ہوا، اس کے علاوہ سہراب گوٹھ میں بھی فائرنگ سے ایک شخص زخمی ہوا ہے۔
اس کے علاوہ نارتھ ناظم آباد بلاک کیو میں بھی فائرنگ کا واقعہ پیش آیا جس میں ایک شخص زخمی ہونے کی خبر آئی۔
ریسکیو حکام نے بتایا کہ اورنگی ٹاؤن بلوچ گوٹھ میں فائرنگ سے ایک شخص زخمی ہوا جبکہ طارق روڈ پر فائرنگ سے ایک شخص کے زخمی ہونے کی اطلاع آئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں