The news is by your side.

Advertisement

کراچی : مختلف واقعات میں خاتون سمیت تین افراد جاں بحق

کراچی : شہر قائد کے مختلف علاقوں میں فائرنگ اور پرتشدد واقعات میں خاتون سمیت تین افراد جاں بحق اور دو زخمی ہوگئے، پولیس نے ڈیفنس میں مقابلے کے بعد ڈاکو کو ہلاک کردیا۔

تفصیلات کے مطابق شاہراہ فیصل لال کوٹھی کے قریب نامعلوم افراد کی فائرنگ سے کار سوار خاتون جاں بحق ہوگئی مقتولہ کی شناخت نادیہ کے نام سے ہوئی شوہر کے مطابق واقعہ ڈکیتی مزاحمت پر پیش ایا ہے۔

دوسری جانب موسمیات کے علاقے میں ایک شخص کی تشدد زدہ لاش ملی ہے، مقتول کی شناخت امجد کے نام سے ہوئی ہے، پولیس نے ضابطے کی کارروائی کیلئے لاش اسپتال منتقل کردی۔

پاک کالونی کے قریب ندی سے بھی ایک شخص کی تشدد زدہ لاش ملی ہے، ادھر گلزار ہجری اور ناظم آباد میں ڈکیتی مزاحمت پر فائرنگ سے دو افراد زخمی ہوگئے جبکہ ڈیفنس کے علاقے میں پولیس مقابلے میں ایک ڈاکو ہلاک اور ایک زخمی حالت میں گرفتار ہوگیا۔

پولیس کے مطابق ملزمان سے اسلحہ اور مسروقہ موٹر سائیکل بھی برآمد ہوئی ہے۔ پولیس نے گرفتار ملزم کیخلاف مقمہ درج کر کے مزید تفتیش کا آغاز کردیا ہے۔

Print Friendly, PDF & Email

Comments

comments

یہ بھی پڑھیں