site
stats
Uncategorized

کراچی:گلستان جوہر میں فائرنگ، پیش امام جاں بحق

کراچی : شہرِ قائد کے علاقے گلستان جوہر میں نامعلوم افراد نے فائرنگ کرکے مسجد کے پیش امام کو قتل کردیا۔

تفصیلات کے مطابق کراچی کے علاقے گلستان جوہر بلاک 7 میں صفورہ چورنگی کے قریب واقع مسجد صدیق اکبر کے پیش امام کو 2 نامعلوم افراد نے ان کے گھر میں گھس کر گولیاں ماردیں، جس کے نتیجے میں وہ شدید زخمی ہوگئے، پیش امام کو زخمی حالت میں اسپتال منتقل کیا گیا، جہاں وہ زخموں کی تاب نہ لاکر دم توڑ گئے۔

پولیس کا کہنا ہے کہ پیش امام کے بیٹے نے ملزم کو شناخت کرلیا ہے، بیٹے کے مطابق میراج نامی شخص نے فائرنگ کی، مقتول کے بیٹے کی نشاندہی پر پولیس نے کاروائی کرکے معراج نامی شخص کو گرفتار کرلیا ہے۔

پولیس کے مطابق فائرنگ دشمنی کا نتیجہ لگتا ہے،تفتیش کی جارہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top