کراچی کے علاقے لیاقت آباد میں پارکنگ کے تنازع پر شادی کی تقریب میں دلہن کے بھائی کو فائرنگ کرکے قتل کردیا گیا۔
اے آر وائی نیوز کے مطابق گزشتہ رات کراچی کے علاقے لیاقت آباد میں شادی ہال کے قریب پارکنگ کے تنازع پر فائرنگ کرکے دلہن کے بھائی کو قتل کردیا گیا۔
ذرائع کا بتانا ہے کہ فائرنگ کرنے والا ملزم شادی کی تقریب شرکت کے لیے آیا تھا جبکہ ملزم نے پارکنگ کے تنازع پر فائرنگ کی اور فرار ہوگیا۔
پولیس کا کہنا ہے کہ دلہے کو حراست میں لے لیا گیا ہے جبکہ ملزم کی شناخت ذیشان کے نام سے ہوئی ہے جو لائنز ایریا کا رہائشی ہے۔
پولیس کے مطابق مقتول حماد کی لاش کو ضابطے کی کارروائی کے لیے اسپتال منتقل کردیا گیا تھا جبکہ ملزم کی تلاش میں چھاپے مارے جارہے ہیں۔
واقعے کے خلاف حسن اسکوائر سے لیاقت آباد آنے والے ٹریک پر احتجاج جاری ہے جس کے باعث ٹریفک کی روانی معطل ہوگئی۔
دوسری جانب مظاہرین کا کہنا ہے کہ جب تک ملزم کو گرفتار نہیں کیا جاتا ہمارا احتجاج جاری رہے گا۔
