تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی میں لڑکی سے اجتماعی زیادتی، میڈیکل رپورٹ آگئی

کراچی کے علاقے سرجانی ٹاؤن میں دوران ڈکیتی لڑکی سے اجتماعی زیادتی کے واقعے میں اہم پیش رفت ہوئی ہے۔

اے آر وائی نیوز کے مطابق سرجانی میں ڈکیتی کے دوران لڑکی سے اجتماعی زیادتی کے واقعے میں ڈاکٹرز نے 17 سالہ متاثرہ لڑکی سے اجتماعی زیادتی کی تصدیق کردی۔

پولیس کا بتانا ہے کہ لڑکی کا میڈیکل عباسی شہید اسپتال میں مکمل کرلیا گیا ہے، سرجانی سیکٹر سیون اے میں ایک گھر میں رات گئے 4 لزمان گھسے تھے، ملزمان نے اسلحے کے زور پر گھر کے افراد کو یرغمال بنایا تھا۔

پولیس کے مطابق ملزمان نے گھر میں لوٹ مار کی اور 17 سالہ لڑکی کو اجتماعی زیادتی کا نشانہ بنایا تھا۔

مزید پڑھیں: کراچی میں ڈکیتی کے دوران لڑکی سے اجتماعی زیادتی کا ہولناک واقعہ

واضح رہے کہ واقعہ گزشتہ روز سرجانی ٹاؤن کے سیکٹر سیون اے میں پیش آیا تھا جہاں 6 ملزمان رات 2 بجے گھر میں واردات کے لیے آئے تھے، اس دوران 4 ملزمان گھر کے اندر داخل ہوئے اور 2 باہر موجود رہے۔

اہلخانہ نے دعویٰ کیا تھا کہ ملزمان نے گھر سے رقم اور سونا لوٹا پھر دو ملزمان نے لڑکی سے اجتماعی زیادتی کی۔

پولیس کا کہنا تھا کہ ڈکیتی سے متعلق تفتیش کی جارہی ہے اور لڑکی کا میڈیکل کروایا گیا ہے جس کی رپورٹ آنے کے بعد مبینہ زیادتی کے حوالے سے پتا چلے گا۔

پولیس کا کہنا تھا کہ ڈکیتی کے وقت گھر میں لڑکی کا بھائی، اس کا دوست اور منگیتر موجود تھے۔

Comments

- Advertisement -