The news is by your side.

Advertisement

کراچی میں لڑکیاں بھی لڑکوں کو ہراساں کرنے لگیں

کراچی کی تاریخ میں سائبر کرائم سرکل کو انوکھا کیس موصول ہوا جس میں متاثرہ شخص کی جانب سے لڑکی کی شکایت درج کروائی گئی ہے۔

اے آر وائی نیوز کی رپورٹ کے مطابق کراچی میں لڑکیاں بھی لڑکوں کو ہراساں کرنے لگیں، متاثرہ شخص نے ایف آئی اے سائبر کرائم سیل سرکل کو شکایت درج کروادی۔

ایف آئی اے سائبر کرائم سرکل نے کارروائی کرتے ہوئے خاتون اسکول ٹیچر کو گرفتار کرلیا، موبائل فون سے بلیک میلنگ کا مواد، سمز اور دیگر شواہد برآمد کرلیے گئے۔

وفاقی تحقیقاتی ادارے کے مطابق گرفتار ملزمہ نے لڑکے کے رشتہ دار کو بھی بلیک میل اور ہراساں کیا، ملزمہ نے بلیک میل کرنے کے لیے ویڈیو بنا رکھی تھیں۔

مزید پڑھیں: کراچی، ایف آئی اے سائبر کرائم سیل کی کارروائی، 7 رکنی گروہ گرفتار

ایف آئی اے حکام کا کہنا ہے کہ شادی سے انکار پر خاتون نے متاثرہ شخص کی تصاویر وائرل کردیں، گرفتار ملزمہ پہلے بھی کئی لڑکوں کو بلیک میل کرچکی ہے۔

حکام کا کہنا ہے کہ لڑکے موبائل فون سے بلیک میلنگ کے لیے استعمال ہونے والی دیگر ویڈیوز بھی ملیں، لڑکی کا موبائل فون قبضے میں لے کر مزید تحقیقات شروع کردی گئی ہیں۔

Comments

یہ بھی پڑھیں