کراچی کے علاقے صدر میں واقع شاپنگ سینٹر گُل پلازہ میں ہفتے کی رات آگ لگنے کے ابتدائی دل دہلا دینے والے اندرونی مناظر سامنے آگئے۔
ویڈیو میں دیکھا جاسکتا ہے کہ آگ لگنے کے بعد کس طرح لوگوں پریشانی کے عالم میں بھاگ دوڑ کررہے ہیں، لائٹ نہ ہونے کی وجہ سے متاثرہ لوگوں کا ٹارچ آن کر رکھا ہے۔
ویڈیو میں لوگوں کو3 باہر نکلنے کیلئے ادھر اُدھر جاتے ہوئے دیکھا جاسکتا ہت کہ جبکہ ایک شخص کی جانب سے یہ کہتے بھی سنا جاسکتا ہے کہ ‘باہر بھاگو باہر، سب کچھ چھوڑو باہر بھاگو، اوپر کا بہت برا حال ہے، بہت بری آگ لگی ہوئی ہے’۔
ویڈیو میں دیکھا جاسکتا ہے کہ پلازہ کے بیسمنٹ کے اطراف دھواں ہی دھواں ہے، اور ابتدا میں ہی لوگوں کو سانس لینے میں مشکل ہورہی ہے۔
View this post on Instagram
واضح رہے کہ کراچی کی ایم اے جناح روڈ پر واقع مشہور شاپنگ سینٹر گُل پلازہ میں ہفتے کی شب لگنے والی آگ پر 34 گھنٹے کے بعد قابو پالیا گیا ہے۔
سانحہ گل پلازہ میں ہلاکتوں کی تعداد 18 ہوگئی ہے جب کہ واقعے کے بعد اب بھی 70 سے زائد افراد لاپتا ہیں، دوسری جانب وزیر اعلیٰ سندھ سید مراد علی شاہ نے اعلان کیا ہے کہ سانحہ گل پلازہ میں جاں بحق ہونے والوں کے لواحقین کو ایک ایک کروڑ روپے دیے جائیں گے۔
سندھ حکومت کی ہیلپ ڈیسک کی جانب سے جاری فہرست کے مطابق لاپتا افراد میں کئی خواتین بھی شامل ہیں، ریسکیو حکام کے مطابق گل پلازہ میں آگ پر تقریباً قابو پالیا گیا ہے اور کولنگ کا عمل جاری ہے جب کہ ریسکیو اہلکار لاپتا افراد کو بھی تلاش کررہے ہیں۔
گل پلازہ آتشزدگی سے متعلق تمام خبریں پڑھنے کیلیے یہاں کلک کریں
اے آر وائی نیوز کی ڈیجیٹل ڈیسک کی جانب سے شائع کی گئی خبریں