کراچی: گلشن اقبال بلاک فور میں شوہر کے ہاتھوں بیوی کا دردناک قتل، ملزم عاشق کی تصویر اے آر وائی نیوز نے حاصل کرلی۔
اے آر وائی نیوز کے مطابق سفاک شوہر نے چھ بچوں کے سامنے اپنی بیوی کو قتل کیا، مقتولہ کی پندرہ سالہ بیٹی نے پولیس کو آنکھوں دیکھا حال بتادیا۔
بچی کے مطابق اس کے والد نے منہ پر تکیہ رکھ کر پہلے والدہ کو قتل کیا، قتل کرنے کے بعد ایک ٹانگ گھٹنے سے کاٹی اور گھسیٹتا ہوا کچن تک لے گیا، بدترین تشدد کا نشانہ بنانے کے بعد والدہ کو زخمی حالت میں دیگ میں بٹھا کر اوپر سے ابلا ہوا پانی بھی ڈالتا رہا۔
یہ بھی پڑھیں: سفاکیت کی انتہا، شوہر نے بدترین تشدد کے بعد بیوی کو دیگ میں ڈال دیا
سنگین واقعے کے بعد قاتل اپنے تین بیٹیوں کو چھوڑ کر تین بچے اپنے ساتھ لے گیا، بچوں میں دو بیٹے اور ایک بیٹی شامل ہے،۔
ایس ایچ او سلیم اعوان کے مطابق سفاک ملزم کی تلاش کے لئے چھاپے مارے جارہے ہیں۔