The news is by your side.

Advertisement

کراچی : گلشن اقبال 13ڈی میں رینجرز مقابلہ، القاعدہ کمانڈر ساتھی سمیت مارا گیا

کراچی : گلشن اقبال 13ڈی میں رینجرز سے مقابلے میں القاعدہ کمانڈر ساتھی سمیت مارا گیا جبکہ ملزمان کی فائرنگ سے حساس ادارے کا ایک اہلکار بھی شہید ہوگیا۔

تفصیلات کے مطابق رات گئے گلشن اقبال 13ڈی میں رینجرز نے رہائشی عمارت پر چھاپہ مارا، چھاپے کے دوران ملزمان نے فائرنگ کردی، جس کے نتیجے میں حساس ادارے کا افسر شدید زخمی ہوگیا، جنھیں اسپتال منتقل کیا گیا جہاں وہ دوران علاج شہید ہوگیا۔

ترجمان رینجرز کےمطابق کارروائی کے دوران حساس ادارے کے اسسٹنٹ ڈائریکٹر محمد سجاد جان کی بازی ہارگئے،  قانون نافذ کرنے والےاداروں نے خفیہ اطلاع پر گلشن اقبال بلاک تیرہ ڈی کےفہدگارڈن میں سرچ آپریشن کیا۔ توعمارت کی دوسری منزل پر چھپےملزمان نے جوانوں پر فائرکھول دیا، گولیوں کی زد میں آکر حساس ادارے کا افسرشہیدہ وگیا  اہلکاروں کی جوابی فائرنگ سے گھر میں چھپا القاعدہ کمانڈر ساتھی سمیت مارا گیا۔

ذرائع کے مطابق ہلاک ہونیوالوں میں القاعدہ کا کمانڈر بھی شامل ہے، جو اپنے ساتھی سمیت مارا گیا، فلیٹ کی تلاشی کے دوران اسلحہ اور جہادی لٹریچر بھی برآمد ہوا جبکہ تلاشی کے دوران فلیٹ سے دوخواتین کوحراست میں لیا گیا، ابتدائی تفیش کے مطابق فلیٹ انور نامی شخص کا ہے۔

Comments

comments

یہ بھی پڑھیں