The news is by your side.

Advertisement

کراچی میں آج بھی گرمی کی شدت برقرار رہے گی

کراچی : ڈی جی میٹ عبدالرشید کا کہنا ہے کہ کراچی میں آج بھی گرمی کی شدت برقرار رہے گی، درجہ حرارت اڑتیس سے چالیس کے درمیان رہے گا.

کراچی میں مسلسل چوتھے روز پارہ چالیس ڈگری کو چُھورہا ہے، مختلف علاقوں سے درجنوں شہریوں کے ہیٹ اسٹروک میں مبتلا ہونے کی اطلاعات ملیں، متعدد بزرگ افراد کو ہیٹ اسٹروک کے باعث ہسپتال منتقل کرنا پڑا، شہرمیں جگہ جگہ گنے کے جوس کی دکانوں پر غیر معمولی رش ہے جبکہ تازہ پھلوں کے جوس اور دیگر ٹھنڈے مشروبات کی بھی ڈیمانڈ میں اضافہ دیکھا گیا۔

موسم کاحال بتانے والوں کہنا ہے کہ آئندہ چوبیس گھنٹے کے دوران کراچی سمیت سندھ اور جنوبی بلوچستان میں موسم شدید گرم اور خشک رہیگا جبکہ آئندہ چند روز تک ملک کے بیشتر علاقے بھی گرمی کی لپیٹ میں رہیں گے .

محکمہ موسمیات کا کہنا ہے کہ کراچی میں ہواوٴں کی سمت تبدیل ہورہی ہے، جس کے سبب گرمی میں اضافہ ہوگیا ہے.

Print Friendly, PDF & Email

Comments

comments

یہ بھی پڑھیں