شہر قائد میں درجہ حرارت 42ڈگری سینٹی گریڈ تک پہنچ گیا، -
The news is by your side.

Advertisement

شہر قائد میں درجہ حرارت 42ڈگری سینٹی گریڈ تک پہنچ گیا،

کراچی : شہر قائد اور گرد و نواح میں درجہ حرارت بیالیس ڈگری تک جا پہنچا مزید گرمی بڑھنے کا امکان ہے، گرمی سے متاثرہ متعدد افراد مختلف اسپتالوں میں داخل ہیں، محکمہ موسمیات کا کہنا ہے کہ سورج اتوار تک مزید آگ برسائے گا۔

وسطی بھارت میں ہوا کے کم دباؤ کے سسٹم کے باعث کراچی سمیت سندھ کے دیگر علاقوں میں بھی گرمی کی شدت میں اضافہ ہو گیا جبکہ ہوا میں نمی کا تناسب بیس فیصد ریکارڈ کیا گیا ہے، گرمی کی شدت سے شہری بے حال ہیں۔

محکمہ موسمیات نے پیش گوئی کی ہے کہ کراچی اوراس کے گرد ونواح کے علاقے تین سے چار دن شدید گرمی کی لپیٹ میں رہیں گے، گرمی کی یہ لہر اتوار تک جاری رہے گی اور اس دوران درجہ حرارت چالیس ڈگری سینٹی گریڈ سے تجاوزکر گیا۔

شہر میں لو کا راج ہے، ہیٹ اسٹروک ایسامرض نہیں جس کاعلاج موجود نہ ہو ڈاکٹرزکاکہنا ہے کہ اس کاعلاج اوراس سے بچاؤ بہت آسان ہے،  شہری دھوپ میں زیادہ دیر رہنے سےگریز کریں،باہرجانا ناگزیر ہو تو سر ڈھانپ کر رکھیں اور ٹھنڈا پانی کی بوتل بھی ساتھ رکھیں۔

حکومتِ سندھ نے ہنگامی حالات سے نمٹنے کا انتظام کر لیا ہے، کمشنر کراچی کے مطابق اسپتالوں سمیت تمام اداروں کو احتیاطی تدابیر جاری کردیں ہیں، ترجمان کے الیکٹرک احمد فراز نے اس مرتبہ بہتر اقدامات کا دعویٰ کردیا۔

گرمی کے باعث شہر کے تمام اسپتالوں میں ایمرجنسی نافذ کردی گئی ہے جبکہ پاکستان میڈیکل ایسوسی ایشن نے شہریوں کو احتیاطی تدابیرپر عمل کرنےکی ہدایت کی ہے، زیادہ سے زیادہ پانی پینے،غیرضروری گھروں سے نہ نکلنےاور بچوں اور بوڑھوں کو دھوپ سے بچا کر رکھنے کا بھی کہا گیا ہے۔

رواں سال جون میں بھی کراچی میں پڑنے والی گرمی نے تینتالیس برس کا ریکارڈ توڑ دیا تھا اور اس قیامت خیزگرمی نے اٹھارہ سوسے زائد افرالقمہ اجل بن گئے تھے۔

Comments

comments

یہ بھی پڑھیں