The news is by your side.

Advertisement

نجی ہوٹل آتشزدگی کیس میں ہوٹل انتظامیہ حادثےکی ذمہ دار قرار

کراچی: پولیس نے نجی ہوٹل آتشزدگی کیس کےچالان میں ہوٹل انتظامیہ اورناکارہ فائر سیفٹی سسٹم کو ہوٹل میں لگنے والی آگ کا ذمہ دار قرار دے دیا۔

تفصیلات کےمطابق کراچی کےمقامی ہوٹل میں لگنے والی آگ سے متعلق کیس میں پولیس نے چالان عدالت میں جمع کردایا ہےجس میں انکشاف ہوا ہےکہ ہوٹل میں 1994 میں فائرسیفٹی سسٹم لگایاگیاتھاجوناکارہ چکاتھا۔

پولیس کی جانب سے چالان میں ہوٹل کےسی ای اوزبیر الدین،ایم ڈی مظفر،چیف انجینئر ارشد،شفٹ انچارج پرویز،اور سیکورٹی انچارج سعد کوشامل کیا گیا ہے۔

عدالت میں جمع کیے گئے چالان میں بتایا گیاہےکہ آتشزدگی کے وقت ہوٹل کےکنٹرول روم میں صرف سی سی ٹی وی آپریٹر بیٹھاتجا،جوفائر سیفٹی سے لاعلم تھا۔

چا لان میں بتایاگیا ہےکہ ہوٹل میں اسموک سسٹم پہلی منزل پر نصب تھا۔اس کےعلاقہ ہوٹل انتظامیہ کی فراہم کی گئی سول ڈیفنس کےدستاویزات کی بھی تصدیق نہ ہوسکی۔

پولیس کےمطابق ہوٹل ملازمین نے آگ پرخودقابو پانے کی کوشش کی،لیکن ایئرکنڈیشننگ سسٹم بند نہیں کیا گیا جس کی وجہ سےدھواں عمارت میں پھیل گیا۔آتشزدگی کی اطلاع سوا تین بجےفائراسٹیشن کودی گئی۔

مزید پڑھیں:ہوٹل آتشزدگی: جاں بحق افراد کی تعداد 13ہوگئی

واضح رہے5دسمبر2016 کی شب کراچی کے مقامی ہوٹل میں آگ بھڑک اٹھی تھی جس کے بعد لوگوں نے کھڑکیوں سے کود کر اپنی جانیں بچائیں،واقعے میں 13 افراد جاں بحق ہوگئے تھے۔

Print Friendly, PDF & Email

Comments

comments

یہ بھی پڑھیں