The news is by your side.

Advertisement

کراچی، ڈکیتی مزاحمت پر فائرنگ، پولیس افسر کی قریبی رشتے دار جاں بحق

کراچی: شہر قائد کے علاقے گلستان جوہر میں ڈکیتی مزاحمت پر فائرنگ کے نتیجے میں پولیس افسر کی قریبی رشتے دار جاں بحق ہوگئیں۔

تفصیلات کے مطابق کراچی کے علاقے گلستان جوہر بلاک 13 میں ڈاکوؤں کی فائرنگ سے پولیس افسر سرور کمانڈو کی قریبی رشتے دار جاں بحق ہوگئیں۔

مقتول خاتون گلستان جوہر بلاک 13 میں رہائش پذیر تھیں، لیڈی ڈاکٹر اور کنینڈین نیشنل تھیں۔

ایس ایس پی کا کہنا ہے کہ تین سے چار ڈاکو گھر میں ڈکیتی کے لیے داخل ہوئے، اہل خانہ کی فائرنگ سے مبینہ طور پر 2 ڈاکو زخمی ہوئے اور پیدل فرار ہوگئے۔

پولیس کے مطابق تمام اسپتالوں اور کلینکس کو ہائی الرٹ کردیا گیا ہے اور زخمی ہونے والے ملزمان کی تلاش جاری ہے۔

مزید پڑھیں: کراچی: شادمان ٹاؤن میں فائرنگ، ایک شخص جاں بحق

دوسری جانب شادمان سیکٹر 14 بی میں پولیس افسر کے گھر میں ڈکیتی کے دوران فائرنگ سے بھانجا جاں بحق ہوگیا۔

ڈی ایس پی طارق ملک کا کہنا تھا کہ 6 ڈاکو میرے گھر میں داخل ہوئے اور اہل خانہ کو یرغمال بنالیا، ملزمان ایک گھنٹے سے زائد وقت تک بنگلے میں موجود رہے۔

ڈی ایس پی کا کہنا تھا کہ ڈاکوؤں نے مجھے بھی تشدد کا نشانہ بنایا اور مزاحمت پر فائرنگ کردی جس کے نتیجے میں میرا بھانجا ریاض جاں بحق ہوگیا۔

پولیس کے مطابق واردات کے وقت بنگلے میں ڈی ایس پی طارق ملک سمیت 6 افراد موجود تھے جبکہ ملزمان سونا، نقدی اور دو پستول لوٹ فرار ہونے میں کامیاب ہوگئے۔

Comments

comments

یہ بھی پڑھیں