کراچی(2 مارچ 2026): کراچی انٹرنیشنل کنٹینر ٹرمینل پر اچانک آگ بھڑک اٹھی جس نے ایک لفٹر اور کنٹینر کو اپنی لپیٹ میں لے لیا۔
ریسکیو حکام کے مطابق آگ لگنے کی اطلاع ملتے ہی فائر بریگیڈ کی 4 گاڑیاں فوری طور پر جائے وقوعہ پر پہنچ گئیں اور امدادی کارروائیاں شروع کر دیں۔ فائر فائٹرز اس وقت آگ پر قابو پانے کی بھرپور کوشش کر رہے ہیں تاکہ اسے مزید پھیلنے سے روکا جا سکے۔
حکام کا کہنا ہے کہ فی الحال تمام تر توجہ آگ کو کنٹرول کرنے پر مرکوز ہے، تاہم ابھی تک کسی جانی نقصان کی اطلاع موصول نہیں ہوئی ہے۔
