اسلام آباد: سابق وزیراعظم کراچی کب پہنچیں گے؟ شیڈول جاری کردیا گیا ہے۔
تفصیلات کے مطابق پاکستان تحریک انصاف سولہ اپریل کو باغ جناح میں عوامی طاقت کا بھرپور مظاہرہ کرنے جارہی ہے، جس کے شیڈول جاری کردیا گیا ہے۔
سابق وزیراعظم عمران خان سولہ اپریل کو شام چار بجے کراچی پہنچیں گے، ایئرپورٹ سے وہ سابق گورنر سندھ عمران اسماعیلی کی رہائشگاہ جائیں گے، جس کے بعد وہ شوکت خانم کینسراسپتال کراچی کے لئے منعقدہ فنڈریزنگ افطار ڈنر میں شرکت کرینگے اور مختصر خطاب کرینگے۔
Chairman Pakistan Tehreek-e-Insaf Imran Khan will attend a public meeting at Mazar-e-Quaid on Saturday, April 16 Insha'Allah.
#امپورٹڈ_حکومت_نامنظور pic.twitter.com/GNlUO8bdYy
— Tehreek-e-Insaf (@InsafPK) April 14, 2022
فنڈ ریزنگ تقریب کے بعد چیئرمین پاکستان تحریک انصاف جلسے میں شرکت کے لئے باغ جناح روانہ ہونگے اور عوام کے جم غفیر سے خطاب کرینگے۔
سابق وزیراعظم عمران خان سولہ اپریل کی رات کراچی میں ہی قیام کرینگے، سترہ اپریل کو اسلام آباد کے لئے روانہ ہونگے۔
یہ بھی پڑھیں: عمران خان اب لوگوں کی ضد بن چکا
دوسری جانب تحریک انصاف نے 16 اپریل کو کراچی میں ہونے والے جلسے سے متعلق منفی خبروں اور افواہوں کو مسترد کر دیا ہے۔
پی ٹی آئی کے رہنما خرم شیر زمان نے بیان میں کہا کہ پی ٹی آئی کراچی کے جلسے کے ملتوی ہونےکی خبریں بے بنیاد ہیں مخالفین کی پھیلائی گئی قیاس آرائیوں پر عوام یقین نہ کریں۔
انہوں نے پارٹی کارکنوں کو ہدایات دیتے ہوئے عوام سے اپیل کی کہ کراچی جلسے کے وقت ملک بھر میں سڑکوں پر آکر احتجاج بھی کیا جائے۔
