کراچی: کراچی کنگز کے کپتان بابراعظم کا کہنا ہے کہ محمد عامر ہمارا میچ ونر بولر ہے۔
تفصیلات کے مطابق ایک بیان میں پی ایس ایل کی معروف ٹیم کراچی کنگز کے کپتان بابراعظم نے کہا کہ اللہ تعالیٰ کا شکر ہے کہ کراچی کنگز کی کپتانی ملی، اہم ترین عہدہ ملنے کے بعد کوشش کرونگا کہ عماد وسیم کی طرح اچھی کپتانی کو برقرار رکھوں۔
ٹیم کے جارح مزاج بلے باز شرجیل خان کو گیم چینجر قرار دیتے ہوئے کپتان کراچی کنگز نے کہا کہ شرجیل کے ساتھ بیٹنگ کرنے میں مزہ آتا ہے۔
ایک سوال کے جواب میں بابراعظم نے کہا کہ لاہور کےخلاف میچ ہمیشہ دلچسپ رہا اور کھیلنے میں مزہ آتا ہے، حارث رؤف بھی اچھے باؤلرہیں مگر شاہین ہمیشہ ٹف ٹائم دیتا ہے۔
یہ بھی پڑھیں: ٹی ٹوئنٹی کرکٹر آف دی ایئر کا تاج محمد رضوان کے سر سج گیا
کراچی کنگز کے نئے کوچ سے متعلق بابراعظم نے کہا کہ پیٹرمورز کےآنے سےٹیم کو بہت فائدہ ہواہے،کھلاڑیوں کو ان سےبہت کچھ سیکھنے کو مل رہاہے۔
بابراعظم فاسٹ بولر محمد عامر سے متعلق کہا کہ وہ میرے لئےمیچ وننگ باؤلرہے، اس نےمشکل وقت میں کراچی کنگز کو میچز جتوائے ہیں۔
بائیوسیکیورببل سے متعلق پوچھے گئے سوال پر کراچی کنگز کے کپتان کا کہنا تھا کہ اب تو بائیو سیکیور ببل میں رہنے کی عادت ہوگئی ہے، تمام کھلاڑی پروٹوکولز کو فالو کررہےہیں، امید ہے کہ اچھےسےمکمل ہوجائےگا۔
