کراچی کنگز کے کپتان عماد وسیم نے بہترین کپتانی اور اسپورٹس مین اسپرٹ کا مظاہرہ کرتے ہوئے نوجوان بولر ارشد اقبال کے دفاع میں آگئے۔
کوئٹہ گلیڈی ایٹرز سے میچ کے اختتام پر رمیز راجا نے کراچی کنگز کے کپتان عماد وسیم سے سوال کیا کہ کیا ارشاد اقبال کی بولنگ ٹیم کے لیے کمزوری بنی؟ کمنٹیٹر کے باؤنسر پر عماد وسیم نے سمجھ داری سے جواب دیتے ہوئے اس تاثر کو رد کیا کہ شکست کی وجہ ایمرجنگ بولر بنے۔
عماد وسیم نے بھرپور دفاع کرتے ہوئے کہا کہ ارشد اقبال کا دوسرا میچ تھا اس لیے یہ نہیں کہہ سکتے کہ ان کی وجہ سے ہارے، اتنا ضرور کہوں گا کہ نوجوان بولرز کو یہ ذہن میں رکھنا چاہیے کہ بیٹسمین کی کیا کمزوری ہے۔
Team Owner #KarachiKings #SalmanIqbal & Head Coach #DeanJones giving Match Cap to all our new players just before today's battle against #PZ
Best of luck boys 👊🏻#HBLPSLV #YehHaiKarachi @Salman_ARY @ProfDeano @tariqwasi @Oomad_A @Cam12Delport @CJordan @iamArshadiqbalk pic.twitter.com/g0ybYDdyJk— Karachi Kings (@KarachiKingsARY) February 22, 2020
کراچی کنگز کے کپتان نے کہا کہ گزشتہ میچ اور آج کے میچ کی پچ میں کافی فرق تھا جس کی وجہ سے 10 سے 15 رنز کم بنے، وکٹ بیٹنگ کے لیے آسان نہیں تھی۔
ان کا مزید کہنا تھا کہ جس طرح کراؤڈ نے کراچی کنگز کو سپورٹ کیا ہے اسی طرح دیگر ٹیموں کو بھی سپورٹ کریں۔
واضح رہے کہ ایمرجنگ بولر ارشد اقبال کراچی کنگز کی جانب سے سب سے مہنگے بولر ثابت ہوئے جنہوں نے 4 اوورز کے کوٹے میں 43 رنز دیے۔