The news is by your side.

Advertisement

پی آئی اے کے جہازوں پر کراچی کنگز کا لوگو سجے گا

کراچی: پاکستان سپر لیگ کی سب سے بڑی فرنچائز کراچی کنگز کو بڑی کامیابی مل گئی، ہوابازی کے شعبے کا بڑا نام پی آئی اے کراچی کنگز کا آفیشل ایئرلائن پارٹنر بن گیا۔

کراچی کنگز اونچی اڑان بھرنےکیلئےتیار ہے، ہزاروں فٹ بلندی پر بھی کراچی کنگز کا نام ہوگا، پی آئی اے کراچی کنگز کا آفیشل ایئرلائن پارٹر بن گیا۔

اس حوالے سے پی آئی اےکے سی ای او ارشد ملک اور کراچی کنگز کے مالک سلمان اقبال نےمعاہدے پر دستخط کردیے جس کے مطابق پی آئی اے کے جہازوں پر کراچی کنگز کا لوگو سجے گا۔

پی آئی اےآسمانوں پربھی کراچی کنگزکی برانڈنگ کریگا اور کراچی کنگز کے ہر میچ میں پی آئی اے انتظامیہ خوش آمدید کہے گی۔

پی آئی اے کے سی ای او ارشد ملک کا کہنا ہے کہ پی آئی اے کرکٹ کےفروغ کیلئےثابت قدم ہے جب کہ کراچی کنگز کے مالک سلمان اقبال کا کہنا ہے کہ قومی ایئر لائن سے جڑنا کراچی کنگزکی بڑی کامیابی ہے۔

Comments

comments

یہ بھی پڑھیں