The news is by your side.

Advertisement

کراچی کنگز کے کھلاڑی تیار ہیں، یہ ایک بہترین فائنل ہوگا: وسیم اکرم

کراچی: کراچی کنگز کے صدروکوچ وسیم اکرم کا کہنا ہے کہ کراچی کنگز کے لڑکے تیار ہیں، یہ ایک بہترین فائنل ہوگا، آج تک اتنی پرجوش ٹیم نہیں دیکھی۔

تفصیلات کے مطابق سماجی رابطے کی ویب سائٹ ٹوئٹر پر صدر اور کوچ کراچی کنگز وسیم اکرم نے پرجوش انداز میں کہا کہ مقصد ٹرافی کے ساتھ فینز کے دل بھی جیتنا ہے، امید کرتا ہوں کہ آج ہم جیتیں گے۔

انہوں نے کھلاڑیوں کے لیے دعا کہ وہ گراؤنڈ میں جاکر شاندار کرکٹ کھیلیں۔

خیال رہے کہ پی ایس ایل فائیو کا تاریخی فائنل آج شب 8 بجے کراچی کے نیشنل اسٹیڈیم میں کھیلا جائے گا، فائنل میں روایتی حریف کراچی کنگز اور لاہور قلندرز کی ٹیمیں مدمقابل آئیں گی۔

دونوں کھلاڑیوں نے اپنی اپنی تیاریاں مکمل کرلیں، آج گراؤنڈ میں پنجا آزمائی کریں گے۔

پی ایس ایل فائیو فائنل، کراچی کنگز اور لاہور قلندرز آج مدمقابل

ٹورنامنٹ کا ٹائٹل جیتنے والی ٹیم کو ٹرافی کے ساتھ 5 لاکھ ڈالر بطور انعام دیا جائے گا، اس کے ساتھ پلیئر آف دی ٹورنامنٹ، بہترین بیٹسمین، بہترین بولر اور اسپرٹ آف دی کرکٹ کے ایوارڈز بھی دیے جائیں گے۔

Comments

یہ بھی پڑھیں