دبئی : کراچی کنگز کی ٹیم نے دبئی میں قدم جمالیے،حریفوں سے دو دو ہاتھ کرنے کیلئے شیروں نے وقت ضائع کئے بغیر میدان کا رخ کرکے پریکٹس کا آغاز کردیا۔
تفصیلات کے مطابق دبئی میں منعقد ہونے والے دوسرے پی ایس ایل کی تیاریاں عروج پر ہیں، پاکستان سپر لیگ کی مضبوط ٹیم کراچی کنگز کے کھلاڑیوں نے دبئی میں تیاریوں کا آغاز کردیا ایونٹ کی تاریخ قریب تر دیکھ کر شیروں کے جوش و جذبے میں مزید اضا فہ ہوگیا۔
کراچی کنگز کے کپتان کمار سنگا کارا نے ٹریننگ کے دوران کھلاڑیوں کے حوصلے بلند کیے جبکہ ہیڈ کوچ مکی آرتھر نے بھی میچ میں کامیابی حاصل کرنے کے گر سکھائے۔
پی ایس ایل کے دوسرے ایڈیشن کے لیے کراچی کنگزکےشیر ایک ماہ تک یو اےای میں ڈیرے ڈالیں گے، کراچی کنگز کا پہلا معرکہ دس فروری کو پشاور زلمی کیخلاف ہوگا۔
دوسری جانب سماجی رابطے کی ویب سائٹس پر صارفین کراچی کنگز کو ٹورنامنٹ کی بہترین ٹیم قرار دے رہے ہیں اور انہوں نے اپنے شیروں سے بہت امیدیں لگا لی ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں