The news is by your side.

Advertisement

کراچی کنگز کا پی آئی اے سے مسلسل دوسرے سال معاہدہ

کراچی: قومی ایئرلائن پی آئی اے چیمپئن ٹیم کراچی کنگز کی مسلسل دوسرے سال آفیشل ایئرلائن پارٹنر بن گئی۔

تفصیلات کے مطابق اے آر وائی لاگونا سٹی کے ہیڈ آفس میں ہونے والی تقریب میں کراچی کنگز کے مالک سلمان اقبال اور پی آئی اے کے سی ای او ایئر مارشل ارشد ملک نے معاہدے پر دستخط کیے۔

اس موقع پر کراچی کنگز کے مالک سلمان اقبال نے کراچی کنگز کی اعزازی جرسی ایئر مارشل ارشد ملک کو پیش کی۔

پی آئی اے کے بوئنگ 777 جہازوں پر کراچی کنگز کا لوگو سجے گا، آسمانوں پر ایئربس 320 اور اے ٹی آر جہاز بھی کراچی کنگز کی برانڈنگ کریں گے۔

واضح رہے کہ پی ایس ایل سیزن 6 کا آغاز 20 فروری کو کراچی سے ہوگا، کراچی کنگز کا پہلا مقابلہ کوئٹہ گلیڈی ایٹرز کے ساتھ ہوگا۔

کراچی ایونٹ کے پہلے ہاف میں 20 میچز کی میزبانی کرے گا جس کے بعد لیگ لاہور شفٹ ہوگی جس میں 22 مارچ کو پلے آف اور فائنل سمیت آخری 14 میچز لاہور میں کھیلے جائیں گے۔

یاد رہے کہ کراچی کنگز نے پی ایس ایل 5 میں لاہور قلندرز کو شکست دے کر پہلی بار ٹرافی اپنے نام کی تھی۔

Comments

یہ بھی پڑھیں