لاڑکانہ: کراچی کنگز ٹیلنٹ ہنٹ پروگرام کے چھٹے مرحلے میں لاڑکانہ سے سلیکٹرز نے متعدد باصلاحیت کرکٹر شارٹ لسٹ کرلیے، اگلا مرحلہ دادو میں ہوگا۔
تفصیلات کے مطابق حیدرآباد، میر پور خاص، عمر کوٹ، نواب شاہ اور سکھر کے بعد برائٹو پینٹس کراچی کنگز کے سلیکٹرز باصلاحیت کھلاڑی کی کھوج کیلئے لاڑکانہ پہنچے۔
برائٹو پینٹس کراچی کنگز کھلاڑی کی کھوج کے چھٹے مرحلے کے ٹرائلز لاڑکانہ میں منعقد ہوئے، دیگر شہروں کی طرح یہاں بھی نوجوان کرکٹرز کا جنون عروج پر تھا۔
نوجوان کرکٹر کی بڑی تعداد نے گراؤنڈ کا رخ کیا، نوجوان کھلاڑیوں نے کراچی کنگز کے ٹرائل کو خوب سراہا۔
کراچی کنگز کھلاڑی کی کھوج کے چھٹے مرحلے میں لاڑکانہ سے کھلاڑیوں کو شاٹ لسٹ کرلیا گیا۔ کھلاڑیوں کا کہنا تھا کہ صلاحیتیں دکھانے کا بہترین موقع فراہم کرنے پر وہ کراچی کنگز کے شکر گزار ہیں۔
مزید پڑھیں: کراچی کنگزٹیلنٹ ہنٹ پروگرام، نوابشاہ سے کھلاڑیوں کا انتخاب
برائٹو پینٹس کراچی کنگز کھلاڑی کی کھوج کے ساتویں مرحلے کے ٹرائل جمعے کو دادو میں شیڈول ہیں جبکہ فائنل ٹرائل نیشنل اسٹیڈیم کراچی میں10سے13دسمبر تک منعقد ہوں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
