kings کراچی کنگز، کھلاڑی کی کھوج، اندرون سندھ ٹرائلزکا مرحلہ مکمل
The news is by your side.

Advertisement

کراچی کنگز، کھلاڑی کی کھوج، اندرون سندھ ٹرائلزکا مرحلہ مکمل

دادو : برائٹو پینٹس کراچی کنگز کھلاڑی کی کھوج کے سلسلے میں اندرون سندھ ہونے والے ٹرائلز اختتام پذیرہوگئے، دادو میں باصلاحیت کھلاڑیوں نے بڑی تعداد میں شرکت کی، ٹرائلز کا آخری مرحلہ کراچی میں ہوگا۔

تفصیلات کے مطابق پاکستان سپر لیگ کے تیسرے ایڈیشن کیلئے کھلاڑی کی کھوج کے اندرون سندھ ہونے والے تمام مراحل اپنے اختتام کو پہنچ گئے۔

برائٹو پینٹس کراچی کنگز نے اندرون سندھ ٹرائلز کے سات مراحل کا آغاز حیدرآباد سے کیا تھا جس کے بعد میرپور خاص، عمرکوٹ ،نواب شاہ،  سکھر، لاڑکانہ سے باصلاحیت کھلاڑیوں کو شاٹ لسٹ کیا گیا۔

برائٹو پینٹس کراچی کنگز کھلاڑی کی کھوج کے ساتویں اور آخری مرحلے کے ایک روزہ ٹرائلز دادو میں ہوئے جس میں نوجوان کھلاڑیوں نے صلاحیتوں کے جوہر دکھائے، بیٹنگ اور بولنگ میں نوجوان کرکٹرز نے سلیکٹرز کو بہت متاثر کیا۔


مزید پڑھیں: کراچی کنگز کو طویل القامت باصلاحیت فاسٹ باؤلر مل گیا


دیگر شہروں کی طرح یہاں بھی نوجوان کرکٹرز کا جنون عروج پر تھا، ساتویں مرحلے میں دادو سے کھلاڑیوں کو شاٹ لسٹ کرلیا گیا، دادو کے بعد کھلاڑی کی کھوج کے تین روزہ حتمی ٹرائلز10سے13دسمبر تک کراچی میں منعقد ہوں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں