The news is by your side.

Advertisement

دفاعی چیمپئن کراچی کنگز آج اہم میچ میں اسلام آباد کے مد مقابل

دبئی: پاکستان سپرلیگ سیزن سکس کا میلہ دبئی میں آب وتاب کے ساتھ جاری ہے، آج دفاعی چیمپئن کراچی کنگز اسلام آباد یونائیٹڈ سے اہم میچ میں مدمقابل ہوگی۔

تفصیلات کے مطابق دفاعی چیمپئن کراچی کنگز اپنے اہم ترین میچ اسلام آباد یونائیٹڈ کے خلاف کھیلے گی، میچ پاکستانی وقت کے مطابق رات نو بجے کھیلا جائے گا۔

اسلام آباد یونائیٹڈ نے گذشتہ رات کھیلے گئے میچ میں لاہور قلندرز کو اٹھائیس رنز سے شکست دیکر پوائنٹس ٹیبل کی پہلی پوزیشن پر قبضہ کیا جبکہ لاہور قلندرز شکست کے بعد دوسرے نمبر پر چلی گئی۔

دفاعی چیمپئن کراچی کنگز کو گذشتہ میچ میں ملتان سلطانز نے 12 رنز سے شکست دی تھی، دلوں کی چیمپئن کراچی کنگز اس وقت پوائنٹس ٹیبل پر چوتھے نمبر پر موجود ہے۔

Comments

یہ بھی پڑھیں