راولپنڈی: پی ایس ایل فائیو کے 14ویں میچ میں کراچی کنگز نے اسلام آباد یونائیٹڈ کو سنسنی خیز مقابلے کے بعد 5 وکٹوں سے شکست دے دی۔
تفصیلات کے مطابق راولپنڈی میں کھیلے جانے میچ میں کراچی کنگز نے اسلام آباد یونائیٹڈ کو شکست دے کر ایونٹ میں دوسری کامیابی اپنے نام کرلی، ایلکس ہیلز نے شاندار نصف سنچری اسکور کی۔
کراچی کنگز نے اسلام آباد یونائیٹڈ کی جانب سے دیا جانے والا 184 رنز کا ہدف 18.4 اوورز میں 5 وکٹوں کے نقصان پر حاصل کرلیا، شرجیل خان 38 رنز بنا کر نمایاں رہے، بابر اعظم بغیر کوئی رن بنائے شاداب خان کے ہاتھوں رن آؤٹ ہوئے۔
IMAD WASIM HITS BACK-TO-BACK MAXIMUMS OFF FAHEEM ASHRAF 🔥
Chadwick Walton finishes it off with a boundary and Karachi Kings have won by 5 wickets #HBLPSLV #TayyarHain #CricketForAll pic.twitter.com/iTCUUnN2oG
— Cricingif (@_cricingif) March 1, 2020
والٹن نے 23 اور عماد وسیم نے 32 رنز کی ناقابل شکست اننگز کھیلی، ڈیلپورٹ 38 رنز بنا کر اسٹین گن کا نشانہ بنے۔
اسلام آباد کی جانب سے ڈیل اسٹین ، رومن رئیس اور احمد صفی عبداللہ نے ایک، ایک وکٹ حاصل کی۔
اس سے قبل اسلام آباد یونائیٹڈ کی ٹیم نے مقررہ اوورز میں 3 وکٹوں کے نقصان پر 183 رنز بنالیے، شاداب خان اور لک رانکی نے ناقابل شکست شاندار نصف سنچریاں اسکور کیں۔
SIX AND OUT! ALEX HALES GOES AFTER ABDULLAH AND HE IS STUMPED THE VERY NEXT BALL 🔥
We have a game on our hands! #HBLPSLV #TayyarHain #CricketForAll pic.twitter.com/u4OEvgHVP5
— Cricingif (@_cricingif) March 1, 2020
اسلام آباد یونائیٹڈ کی پہلی وکٹ 2 رنز پر گرنے کے باوجود شاداب خان اور لک رانکی نے ٹیم کو سنبھالا اور شاندار 106 رنز کی شراکت قائم کرکے ٹیم کا اسکور بڑھانے میں اہم کردار ادا کیا۔
YEH HOTA HAI KAPTAAN
What a class innings from Shadab to get to 50!
Play & win cash prizes: https://t.co/Bmz3ZQ7b62#IUvKK #HBLPSLV pic.twitter.com/wUWIx4uWpI
— PakistanSuperLeague (@thePSLt20) March 1, 2020
کولن منرو ایک رن بنا کر پویلین لوٹ گئے، رضوان حسین 22 رنز بنا کر چلتے بنے، کولن انگرام نے 16 رنز کی اننگز کھیلی۔لک رانچی نے 85 اورکپتان شاداب خان نے ناقابل شکست 54 رنز کی اننگز کھیلی۔
کراچی کنگز کی جانب سے محمد عامر، عماد وسیم اور عمر خان نے ایک، ایک وکٹ حاصل کیں۔
اس سے قبل کراچی کنگز نے شاداب خان الیون کو ٹاس جیت کر پہلے بیٹنگ کی دعوت دی ہے، عماد وسیم کا کہنا ہے کہ پچ پر نمی ہے اس کا فائدہ اٹھانے کی کوشش کریں گے.
YEH HOTA HAI KAPTAAN
What a class innings from Shadab to get to 50!
Play & win cash prizes: https://t.co/Bmz3ZQ7b62#IUvKK #HBLPSLV pic.twitter.com/wUWIx4uWpI
— PakistanSuperLeague (@thePSLt20) March 1, 2020
عماد وسیم کا کہنا ہے کہ کوشش کریں گے غلطیاںنہ دہرائیں، تمام کھلاڑیوںکو اچھا کھیلنا پڑے گا.
شاداب خان کا کہنا تھا کہ ٹیم میں دو تبدیلیاں کی گئی ہیں، عماد بٹ اور ڈیوڈ ملان کی جگہ ڈیل اسٹین اور رضوان کو شامل کیا گیا ہے.
واضح رہے کہ ایونٹ میں کراچی کنگز صرف ایک میچ جیت سکی ہے اور اس کے دو پوائنٹس ہیں جبکہ اسلام آباد یونائیٹڈ نے دو میچز میں کامیابی حاصل کی ہے اور ایک بارش کی نذر ہوا، یونائیٹڈ کے 5 پوائنٹس ہیں.
فائنل الیون
All set in Rawalpindi for #IUvKK. @KarachiKingsARY have won the toss and will be bowling first. Here are the teams. #HBLPSLV pic.twitter.com/RcrQGOTQyr
— PakistanSuperLeague (@thePSLt20) March 1, 2020