The news is by your side.

Advertisement

کورنگی : ڈکیتی کی کوشش ناکام، ڈاکو موٹرسائیکل چھوڑ کرفرار

کراچی : کو رنگی انڈسٹریل ایریا میں ویٹا چورنگی پر گارڈ نے اپنی جان پر کھیل کر ڈکیتی کی واردات ناکام بنادی، ملزمان فائرنگ کرنے کے بعد پیدل فرار ہوگئے۔

تفصیلات کے مطابق کورنگی انڈسٹریل ایریا میں ویٹا چورنگی پر موٹرسائیکل سوار ڈاکوؤں نے ایک گاڑی کو روکا، ایک نجی کمپنی کا منیجر اور سیکیورٹی گارڈ بینک سے تقریباً 20 لاکھ روپے لے کر جارہے تھے۔

لٹیروں نے کار سواروں سے رقم چھیننے کی کوشش کی ناکامی پر انہیں کو گولیاں ماردیں، ڈکیتی کی سی سی ٹی وی فوٹیج اے آر وائی نیوز نے حاصل کرلی، اس موقع پر قریبی فیکٹری کے باہر کھڑے سیکیورٹی گارڈ کارروائی کی بجائے ڈر کر اندربھاگ گئے۔

مزاحمت کے دوران ڈرائیور نے کار چلادی جس سے ڈاکوؤں کی موٹر سائیکل گر کر کار کے نیچے پھنس گئی، کار میں موجود گارڈ نے گولی چلائی تو دونوں ملزمان موٹرسائیکل چھوڑ کر بھاگ گئے۔

ایک ملزم زخمی حالت میں فرار ہوا، وہاں موجود کتا بھی ملزمان کے پیچھے بھاگا لیکن مسلح گارڈ نے پھربھی ہمت نہ کی، ایمبولینس آنے پر گارڈ آگےجانے لگا تو اسے روک لیا گیا۔

زخمی کار سواروں کو جناح اسپتال لے جایا گیا جہاں اب ان کی حالت خطرے سے باہر ہے۔ ایس ایس پی کورنگی نعمان صدیقی کا کہنا ہے کہ یہ ڈکیتی کے دوران مزاحمت کا واقعہ ہے، پولیس نے موقع واردات سے شواہد جمع کرکے تفتیش کا آغاز کر دیا ہے۔

Print Friendly, PDF & Email

Comments

comments

یہ بھی پڑھیں