The news is by your side.

Advertisement

کراچی میں اندھیر نگری چوپٹ راج، تاجر جمع پونجی سے محروم

کراچی: شہر قائد میں ڈاکو بے لگام ہوگئے، دن دیہاڑے تاجر کو بندوق کی نوک پر جمع پونجی سے محروم کردیا۔

اے آر وائی نیوز کے مطابق کراچی کے علاقے لانڈھی نمبر چھ میں ڈاکو تاجر سے پچاس لاکھ کی خطیر رقم لوٹ کر فرار ہوگئے۔

پولیس ذرائع کا کہنا ہے کہ ارسلان نامی تاجر گھر سے پیسے لیکر بینک میں جمع کرانے کے لئے نکلا تھا کہ راستے میں دو موٹر سائیک سوار ڈاکو نے تاجر سے پچاس لاکھ سے زائد کی خطیر رقم چھینی اور فرار ہوگئے۔

شہری سے پچاس لاکھ کی رقم چھینے جانے کی خبر پر آئی جی سندھ غلا نبی میمن نے واقعہ کا نوٹس لیا اور ایس ایس پی کورنگی کوعلاقے میں ٹیمز متحرک کرنےکی ہدایت جاری کیں۔

یہ بھی پڑھیں: کراچی میں سرعام نوجوان کو گولی ماردی گئی

آئی جی سندھ نے کہا کہ ملزمان تک رسائی اور ان کی گرفتاری یقینی بنائی جائے اور ان کی گرفتاری کے لئے تمام وسائل بروئے کار لائے جائیں، کسی صورت مقدمہ کے اندراج اور پولیس کارروائی میں تاخیر نہ کی جائے۔

گذشتہ روز بھی ایک دلخراش واقعے نے دل دہلا دیا تھا جب کراچی کے علاقے ڈیفنس فیز سیون میں ڈکیٹی کے دوران سرعام نوجوان کو گولی ماری گئی تھی، واقعے کی سی سی ٹی وی فوٹیج اے آر وائی نیوز نے حاصل کرلی تھی۔

ویڈیو میں دیکھا جاسکتا ہے کہ ایک موٹرسائیکل پر دو اسٹریٹ کرمنل واردات کے لیے آئے جب ایک نوجوان نے قریب آکرملزم کو پکڑنے کی کوشش کی تو نوجوان کو قریب سے گولی ماری، نوجوان کو شدید زخمی حالت میں اسپتال منتقل کیا گیا تھا۔

Comments

یہ بھی پڑھیں