The news is by your side.

کراچی میں بلدیاتی انتخابات : کاغذات نامزدگی جمع کرانے کا آج آخری دن

کراچی : شہر قائد کے چھ اضلاع میں بلدیاتی انتخابات کے سلسلے میں امیدواروں کی کاغذات نامزدگی جمع کرانے کی آج آخری تاریخ ہے،کراچی کے چھ اضلاع میں انتخابات تین دسمبر کو منعقد ہوں گے۔

صوبائی الیکشن کمیشن کے مطابق آٹھ سے تیرہ اکتوبر تک کاغذات کی جانچ پڑتال ہوگی، تیس اکتوبر کو کاغذات نامزدگی منظور یا مسترد ہونے کیخلاف اپیلیں دائر کی جائیں گی۔

پانچ نومبر کو اپیلوں پر فیصلے کئے جائیں گے، انتخابی عمل سے دستبرداری کی آخری تاریخ چھ نومبر ہے۔

امیدواروں کی حتمی فہرست سات نومبر کو جاری کی جائے گی،واضح رہے کہ سندھ اور پنجاب میں بلدیاتی اتخابات کی سیکیورٹی کے لئے حکمت عملی طے کر لی گئی ہے۔

گزشتہ دنوں چیف الیکشن کمشنر کی صدارت میں ہونے والے الیکشن کمیشن کے اہم اجلاس میں سندھ اور پنجاب کے انسپکٹر جنرل پولیس نے یقین دہانی کرائی کہ انتخابی ضابطہ اخلاق پر عمل درآمد یقینی بنایا جائے گا۔

Print Friendly, PDF & Email

Comments

comments

یہ بھی پڑھیں