site
stats
پاکستان

کراچی میں ہفتہ اور اتوار کو گرمی کی شدت میں اضافے کاامکان ،محکمہ موسمیات

کراچی : محکمہ موسمیات نے شہر قائد میں ہفتہ اور اتوار کو گرمی کی شدت میں اضافے کی پیشگوئی کردی ہے۔

تفصیلات کے مطابق محکمہ موسمیات پاکستان نے خبردار کردیا ہے کہ کراچی میں آئندہ دو روز میں گرمی کی شدت میں مزید اضافہ ہوجائے گا اور درجہ حرارت 37ڈگری سینٹی گریڈ تک رہنے کا امکان ہے۔

karachi

محکمہ موسمیات کے مطابق کراچی سمیت سندھ میں آج موسم گرم اورخشک رہےگا، کراچی میں آج درجہ حرارت 33سے35ڈگری سینٹی گریڈ رہنے جانے کا امکان ہے جبکہ ہوا میں نمی کا تناسب 64فیصد ہے۔

قائم مقام چیف میٹرو لوجسٹ، عبدالرشید کا کہنا ہے کہ شہر کراچی میں دو روز بعد سے ناصرف درجہ حرارت میں اضافہ ہوجائے گا، بلکہ مئی اور جون میں یہ اپنے عروج پر ہوگی، لہٰذا متعلقہ ادارے اور شہری ہیٹ ویوز کے پیش نظر حفاظتی اقدامات کریں۔

hot

انکا مزید کہنا تھا کہ رواں سال بھی پچھلے سالوں کی طرح گرم گزرنے کی پیش گوئی کی گئی ہے، جبکہ یہ بھی خدشہ ظاہر کیا جارہا ہے کہ اس سال گرمی کے سابقہ ریکارڈ نہ ٹوٹ جائیں۔


مزید پڑھیں : کراچی میں بڑھتی گرمی، ہیٹ اسٹروک کا خطرہ


دوسری جانب کراچی میں ہیٹ اسٹروک خطرے کے پیش نظرسرکاری اسپتالوں میں ایمرجنسی نافذ کردی گئی ہے ، وارڈز مختص کرنے، او آر ایس اور ڈرپس کی موجودگی کو یقینی بنانے کی ہدایت کی گئی ہے جبکہ سرکاری اسپتالوں کے عملے کو الرٹ رہنے کا نوٹی فکیشن جاری کردیا گیا ہے۔

سندھ حکومت نے ہیٹ اسٹروک سے بچاؤ کیلئے انتظامات شروع کردیئے ہیں ، ڈائریکٹر جنرل ہیلتھ توفیق چوہدری کا کہنا ہے کہ ہیٹ اسٹرک سے بچاؤ کی مہم شروع کی جارہی ہے، تمام اضلاع میں کیمپ قائم کئے جائیں گے، دھوپ سے بچاؤ کیلئے عوام احتیاطی تدابیر اختیارکریں، گرمی کی شدت بڑھ رہی ہے،ہیٹ اسٹروک سے بچاؤ ضروری ہے۔

ماہرین نے شہریوں کو مشورہ دیا ہے کہ وہ بڑھتی ہوئی گرمی کے پیش نظر کھانے پینے اور گھر سے باہر نکلنے میں احتیاط برتیں ۔

ملک کے بیشترعلاقوں میں موسم گرم اور خشک رہے گا

محکمہ موسمیات کے مطابق ملک کے بیشترعلاقوں میں موسم گرم اور خشک رہے گا، چند ایک مقامات پر گرج چمک کیساتھ بارش کا بھی امکان ہے، آئند چوبیس گھنٹوں کے دوران کراچی،حیدرآباد،ملتان،فیصل آباد اور لاہور سمیت دیگرعلاقوں میں موسم گرم اور خشک رہے گا تاہم ژوب، ڈی آئی خان، مالاکنڈ، پشاور، ڈی جی خان، راولپنڈی، سرگودھا ڈویژن، اسلام آباد ، بالائی فاٹا، کشمیر اور گلگت بلتستان میں چند مقامات پر تیز ہواوٰں اور گرج چمک کیساتھ ہلکی بارش کا بھی امکان ہے۔

گزشتہ روز سب سے زیادہ درجہ حرارت سبی، میرپورخاص اور مٹھی میں بیالیس ڈگری سینٹی گریڈ ریکارڈ کیا گیا۔

یاد رہے کہ 2015 میں کراچی میں گرمی کی شدید لہر نے 1 ہزار سے زائد جانیں لے لی تھیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top