The news is by your side.

Advertisement

کراچی میں آج بھی بوندا باندی کا امکان موجود ہے‘ محکمہ موسمیات

کراچی : محکمہ موسمیات کا کہنا ہے کہ کراچی میں آج بھی بوندا باندی کا امکان موجود ہے جبکہ شہر کا درجہ حرارت زیادہ سے زیادہ 33 سینٹی گریڈ تک جانے کا امکان ہے۔

تفصیلات کے مطابق محکمہ موسمیات نے کراچی والوں کے لیے خوشخبری سنادی، آج بھی شہرمیں بوندا باندی کا امکان موجود ہے جبکہ مغربی علاقوں سے 18 کلومیٹر فی گھنٹہ کی رفتار سے ہوائیں چل رہی ہیں اور ہوا میں نمی کا تناسب 69 فیصد ہے۔

محکمہ موسمیات کے مطابق آج شہر میں مطلع جزوی طو پر ابر آلود رہے گا اور درجہ حرارت 33 سینٹی گریڈ تک جانے کا امکان ہے۔

لاہورسمیت پنجاب کےمختلف شہروں میں بارش‘ موسم خوشگوار ہوگیا

دوسری جانب اسلام آباد اور لاہور میں بارشوں کا سلسلہ جاری ہے جس سے موسم خوشگوار ہوگیا ہے۔

محکمہ موسمیات کے مطابق بالائی خیبرپختونخواہ، اسلام آباد، کشمیر اور ملحقہ پہاڑی علاقوں میں کہیں کہیں تیزہواؤں سمیت گرج چمک کے ساتھ بارش کا امکان ہے۔

کراچی میں کہیں تیز اور کہیں ہلکی بارش، موسم خوشگوار

خیال رہے کہ دو روزقبل کراچی کے مختلف علاقوں میں بارش کے باعث موسم خوشگوار ہوگیا تھا اور شہریوں کی بڑی تعداد موسم کا لطف اٹھانے کے لیے ساحل سمندر اور دیگر تفریحی مقامات پر پہنچ گئی تھی۔

واضح رہے کہ محکمہ موسمیات کے مطابق جولائی سے 15 اگست تک معمول کی بارش کا امکان ہے اور 15 اگست کے بعد معمول سے کم بارشوں کا امکان ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں