The news is by your side.

Advertisement

کراچی: دنیا کے دس سستے ترین شہروں میں شامل

کراچی: پاکستان کا معاشی حب کراچی ایک بار پھر دنیا کے دس سستے ترین شہروں میں شامل ہوگیا ہے، کراچی کا نمبر اس فہرست میں چوتھا ہے جبکہ ممبئی اور نئی دہلی کا شمار شہرقائد کے بعد ہورہا ہے.

اکانومسٹ انٹیلی جنس یونٹ کے انڈیکس کے مطابق وطن عزیز کا عروس البلاد  کراچی دنیا کے دس سستے ترین شہروں میں شامل ہوگیا ہے.

اکانومسٹ انٹیلی جنس یونٹ کی درجہ بندی کے حساب سے پاکستان کا سب سے بڑا شہر کراچی ہندوستان کے ممبئی اور نئی دہلی سے بھی سستا ترین شہر ہے، کراچی دنیا کے سستے اور معیاری شہروں میں 4 نمبر پرفائز ہے.

مہنگے ترین شہر


دوسری جانب میں اکانومسٹ انٹیلی جنس یونٹ کے انڈیکس کے اعداوشمار کے مطابق سنگا پوردنیا کا سب سے مہنگا شہر ہے، دوسرے اورتیسرے نمبرپر ہانگ کانگ اور زیوریخ ہیں.

دنیا کے6 مہنگے ترین شہروں میں سے 5 ایشیامیں ہیں، اکانومسٹ انٹیلی جنس یونٹ کے انڈیکس میں انکشاف ہوا کے یورپ سے علیحدگی کے بعد لندن شہر نسبتاً سستا ہوگیا ہے۔

واضح رہے چند روزقبل عالمی یوم مسرت پرقوام متحدہ کی جانب سے جاری کردہ فہرست کے مطابق پاکستان کے عوام ہندوستانیوں سے زیادہ زندہ دل ہین

منی پاکستان کراچی


خیال رہے کہ پاکستان کا سب سے بڑا شہراورصنعتی، تجارتی، تعلیمی، مواصلاتی و اقتصادی مرکز ہے، جس کی وجہ سے اسے منی پاکستان کا درجہ حاصل ہے.

بانی پاکستان کا شہر کراچی صوبہ سندھ کا دارالحکومت ہے، یہ شہر دریائے سندھ کے مغرب میں بحیرہ عرب کی شمالی ساحل پر واقع ہے۔ پاکستان کی سب سے بڑی بندرگاہ اورہوائی اڈہ بھی یہاں قائم ہے۔ علاوہ ازاں کراچی 1947ء سے 1960ء تک پاکستان کا دارالحکومت بھی رہا ہے.

بدامنی سے قیام امن تک


پورے پاکستان سے لوگ روزگار کی تلاش میں کراچی آتے ہیں اور اس وجہ سے یہاں مختلف مذہبی، نسلی اور لسانی گروہ آباد ہیں، ان گروہوں کی باہمی کشیدگی کی وجہ سے 80 اور 90 کی دہائیوں میں روشینوں کا شہر لسانی فسادات، تشدد اور دہشت گردی کا شکار رہا،تاہم بگڑتے ہوئے حالات میں‌بہتری لانے کے لئے حکومت میں پاک فوج اور پاکستان رینجرز سے تعاون کی درخواست کی، جس کے شہر میں‌ قیام امن ممکن ہوا.

اکیسویں صدی میں تیز قومی معاشی ترقی کے ساتھ ساتھ کراچی کے حالات میں بہت تبدیلی آئی ہے۔ کراچی کی امن عامہ کی صورتحال کافی بہتر ہوئی ہے اور شہر میں مختلف شعبوں میں ترقی کی رفتار میں بہت اضافہ ہوا ہے۔

Print Friendly, PDF & Email

Comments

comments

یہ بھی پڑھیں