The news is by your side.

Advertisement

کراچی: الیکشن میں کشیدگی کاخطرہ،86ملزمان کی فہرست تیار

کراچی : حساس اداروں نے مختلف سیاسی جماعتوں کے کارکنان سمیت چھیاسی ملزمان کی فہرست جاری کردی،ملزمان کی فعالیت بلدیاتی انتخابات میں کشیدگی کاباعث بن سکتی ہے.

کراچی میں امن و امن کے لیےحساس اداروں نے رپورٹ جاری کردی، رپورٹ کے مطابق کراچی میں فعال چھیاسی ملزمان کی فہرست جاری کردی گئی ہے، فہرست میں شامل اڑتالیس ملزمان کا تعلق سیاسی جماعتوں اورگینگ وار سے ہے۔

ملزمان ٹارگٹ کلنگ بھتہ خوری اسٹریٹ کرائم اورغیرملکیوں کو شناختی کارڈ بنانے سمیت سنگین نوعیت کے جرائم میں ملوث ہیں۔

رپورٹ میں کہاگیا ہےکہ بلدیاتی انتخابات کی مہم میں یہ ملزمان مخالف جماعتوں کےامیدواروں کو دھمکانےاورحراساں کرنےمیں ملوث ہیں، ان کی موجودگی بلدیاتی انتخابات میں کشیدگی کاباعث بن سکتی ہے، قانون نافذ کرنے والے اداروں سے درخواست کی گئی ہےکہ ان ملزمان کو جلد از جلد گرفتار کیا جائے۔

دوسری جانب رینجرزنے ملزم ظہیر احمد عرف پیالہ کو گرفتار کرلیا،ترجمان رینجرز کے مطابق ملزم نےسترہ افراد کی ٹارگٹ کلنگ کا اعتراف کیا ہے، جن میں چھ پولیس اہلکاربھی شامل ہیں.

رینجرز نے ناردرن بائی پاس برنس روڈ، بھٹائی آباد،آسو گوٹھ، مولاعیسی گوٹھ میں کارروائی کرکے لیاری گینگ وار اوربھتہ خورسمیت ستائیس ملزمان کو گرفتار کرکے اسلحہ برآمد کرلیا۔

Print Friendly, PDF & Email

Comments

comments

یہ بھی پڑھیں