site
stats
پاکستان

کراچی بلدیاتی انتخابات، تمام پولنگ اسٹیشنز پر فوج اور رینجرز تعینات کرنے کا فیصلہ

کراچی : سندھ اور کراچی میں بلدیاتی انتخابات کے تیسرے مرحلے میں تمام پولنگ اسٹیشنز پر فوج اور رینجرز تعینات کرنے کا فیصلہ کیا گیا ہے، کراچی کے تین ہزار نو سو پولنگ اسٹیشن حساس قرار دے دیئے گئے ہیں.

بلدیاتی انتخابات کے تیسرے مرحلہ میں فول پروف سیکیورٹی کے لئے رینجرز کے اختیارات میں مزید اضافہ کردیا ہے، فوج اور رینجرز تمام پولنگ اسٹیشنوں میں تعینات کرنے کے فیصلے کے ساتھ رینجرز کے کمانڈنگ افسران کو مجسٹریٹ درجہ اؤل کے اختیارات بھی تفویض کردئیے گئے ہیں۔

کراچی میں بلدیاتی انتخابات کیلئے فوج کی بیس کمپنیاں جبکہ ساڑھے نو ہزار رینجرز اہلکار تعینات کئے جائیں گے۔

الیکشن کمیشن کے مطابق کراچی کے چار ہزار ایک سو اکتالیس پولنگ اسٹیشنوں میں سے تین ہزار نو سو پولنگ اسٹیشنوں کو حساس قرار دیا گیا ہے، کراچی کے صرف دوسو پچاس پولنگ اسٹیشن حساس قرار نہیں دیئے۔

الیکشن کمیشن نے ضلع ویسٹ میں پانچ سو پولنگ اسٹیشن کو حساس قرار دیا ہے، کورنگی کے تمام پولنگ اسٹیشن حساس قرار دیئے گئے ہیں، ایسٹ کے چھ سو سے زائد پولنگ اسٹیشن حساس ، کراچی ساوتھ میں دو سو ستانوے حساس اور ستانوے انتہائی حساس قرار پائے، کراچی سینٹرل میں پانچ سو انسٹھ حساس اور ایک سو اٹھانوے انتہائی حساس قرار دئیے گئے ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top